Научниците потврдија: Витаминот Ц е ефикасно оружје против карциномот

Последното научно истражување покажа дека витаминот Ц има специфично дејство на матичните клетки на карциномот и може да доведе до уништување на канцерогеното ткиво, јавува Anadolu Agency (AA). Списанието „Онкотаргет“ ги објави резултатите од истражувањето што го спроведоа научниците од Универзитетот „Салфорд“ во Манчестер и дојдоа до сознанија дека во борбата против клетките на карциномот, витаминот Ц дејствува и до десетпати поефикасно од лекот 2-ДГ, кој е во примена на тестирање. Научниците го тестираа влијанието на три природни супстанции (Фенетил естер кофеинска киселина (КАПЕ), силибинин и аскорбинска киселина), експериментални лекови (актинонин, FФК866 и 2-ДГ), и еден клинички лек (стирипентол) на развојот на клетките и ткивата на карциномот. Ова е првото научно истражување што откри дека витаминот Ц (аскорбинска киселина) може да биде користен во уништувањето на клетките на карциномот.

„Го анализиравме ефектот на низа природни супстанции на матичните клетки на карциномот, вклучувајќи силибинин од млечните производи и некои состојки од деривати на пчелин мед, но далеку најдобри резултати се постигнуваат со витамин Ц. Тоа е евтино, природно, безопасно и лесно достапно средство што би можело да стане важно оружје во борбата против карциномот“, изјави проф. Мајкл П. Лисанти. Истражувањето покажа и голем потенцијал на експерименталниот лек ФК866 и на антибиотикот актинонин. Нобеловецот Линус Паулинг претходно откри дека витаминот Ц може да се користи и во лекување на карциномот и со терапијата со тој витамин, за 25 отсто ја намали смртноста на карциномот на дојка кај пациентките во Јапонија. Меѓутоа, последното истражување на британските научници откри конкретно дека витаминот Ц ги спречува енергетските процеси во клеточните митохондрии на карциномот. „Ова е уште еден доказ дека витаминот Ц и другите нетоксични супстанции можат да имаат улога во борбата против карциномот. Резултатите се ветувачки“, изјави др. Глорија Бонучели, водач на истражувачкиот тим од Универзитетот „Салфорд“.

Be the first to comment

Leave a Reply

Your email address will not be published.


*